MEPUTSO: 80
NAKO: 2 DIIRI
PALOMOKA YA MATLAKALA A DIPOTŠIŠO KE 5.
LEPHEPHE LA BOBEDI (P2)
DITAELO LE TSHEDIMOŠO
Lephephe le, le arotšwe ka dikarolo tše THARO e lego A, B le C.
KAROLO YA A: Ditaodišo
KAROLO YA B: Ditšweletšwa tša tirišano tše telele
KAROLO YA C: Ditšweletšwa tša tirišano tše kopana
Bala dipotšišo ka tlhokomelo gore o se hlahlathe.
Araba potšišo e TEE fela karolong ye nngwe le ye nngwe.
Taodišo e rulaganywe ka lenaneo la go swana le mmepe wa monagano goba lenaneo leo le ka go thušago go rulaganya. O tla fiwa meputso ya go rulaganya le palobohlatse.
Hlokomela morero le sebopego sa sengwalwa se sengwe le se sengwe go ya ka go fapana ga dinyakwa tša sona.
Dingwalwa ka moka di ngwalwe ka Sepedi.
KAROLO YA A: DITAODIŠO
POTŠIŠO 1
Kgetha e TEE ya dihlogo tše di latelago gomme o ngwale mantšu a 200 go iša go a 250 ka yona.
Bafsa le diokobatši.
O ka bolela ka tše di latelago ge o rata:
Ka fao diokobatši di amago maphelo a bafsa ka gona.
Tšhomišompe le kotsi ya tšona.
GOBA
Ngwaga wa 2010 ke lehumo go Maafrika-Borwa. Wena o reng?
Tše dingwe tša dintlha tše o ka ngwalago ka tšona ge o nyaka ke tše:
Tšweletšo ya mešomo.
Kgodišo ya ekonomi.
Kaonafatšo ya ditirelo.
GOBA
Lebeledišiša seswantšho se, gomme o ngwale taodišokanegelo yeo hlogo ya yona e lego 'Le bona ba a kgona'.
O ka bolela ka tše di latelago:
Batho ba go se itekanele dikolong.
Batho ba go se itekanele mešomong.
Batho ba go se itekanele dipapading.
GOBA
Mogwera wa ka yo a nago le HIV/Aids e sa le mogwera wa ka.
Ge o rata o ka bolela ka dintlha tše di latelago:
Kamogelo le tlhokomelo.
Dikeletšo tše o ka mo fago.
GOBA
Hlaloša se o se bonago mo seswantšhong seo se latelago. Efa taodišo ya gago hlogo.
GOBA
Filimi ye ke e ratilego.
PALOMOKA KAROLO YA A:
KAROLO YA B: DITŠWELETŠWA TŠA TIRIŠANO TŠE TELELE
POTŠIŠO 2
Kgetha se TEE sa dingwalwana tše di latelago gomme o ngwale mantšu ao e ka bago a 80 go iša go a 100, ka sona (diteng fela).
O rata go ithutela dithuto tša bongaka go ye nngwe ya diyunibesithi tša ka mo nageng. Ngwala lengwalo la go kgopela sekgoba sa go tsenela dithuto tšeo go yunibesithi yeo o ikgethetšego yona.
GOBA
O be o le gona ka phapošing ge yo mongwe wa baithuti a fetolana le morutišigadi ka tsela ya lenyatšo. Ngwala pego ya semmušo yeo o begelago ba lekgotlataolo la sekolo ka ga tiragalo yeo.
GOBA
Maitshwaro a bafsa ba lehono a a makatša. Ngwala poledišano magareng ga Raisibe le Mokgadi mabapi le taba ye.
GOBA
Mogwera wa gago o hweditše kgobalo gomme o robetše bookelong. Mo ngwalele lengwalo la go mo kgothatša.
PALOMOKA KAROLO YA B:
KAROLO YA C: DITŠWELETŠWA TŠA TIRIŠANO/TSEBIŠO/MELAETŠA
POTŠIŠO 3
Kgetha se TEE sa ditšweletšwa tše kopana tše di latelago gomme o ngwale mantšu a 60 go iša go a 80, ka sona.
Batswadi ba gago ba go direla moletlo wa matswalo. Thala karata o be o ngwale molaetša wo ka wona o memago baithuti ba mphato wa gago go tla go thaba le wena ka letšatši leo.
GOBA
Ba Kgoro ya Maphelo ba tlile go etela motse wa geno go ruta setšhaba ka ga bolwetši bja HIV/Aids. Ngwala maphephetsebiši o begele setšhaba ka ketelo yeo. Laetša dintlha tše:
Lefelo
Nako
Tšatšikgwedi
Morero/Molaetša
GOBA
Sekolo sa lena se rerile go tšea leeto la go ya lewatle. Ngwala ditaelo tšeo di tla fiwago baithuti ge le fihla lewatleng.
PALOMOKA KAROLO YA C:
PALOMOKA YA TLHAHLOBO:
